انا كنت فين؟

السلام عليكم ورحمه الله وبركاته

جزاكم الله خيرا جميعا على كلامكم الرائع وربنا يجعلنى فعلا على قدر ما تقولون.

عندما قلت انى فى أجازه كنت أخذتها لانى نازله مصر وطبعا فى مصر هناك الكثير الذى يشغلنى من أهل وزيارات ومسؤليات تجاه مصر الحبيبه.

عندما نكون خارج مصر نسمع عما يعانيه الناس فى مصر ونتألم وعندما نعود الى مصر لا يجب ان نقف مكتوفى الايدى لو كنا صادقين فعلا ولسنا بتوع كلام فقط.الناس فى مصر تعانى أكثر بكثير مما يعانيه أهل غزه 0وللاسف لا أحد يلتفت الى هذا الامر.محدش دريان بالناس ومحدش بيعمل حاجه.فى غزه قنابل اليهود وفى مصر قنابل أنابيب الغاز الصغيره التى يشتريها الفقراء0 فى غزه الجوع بسبب الاحتلال. وفى مصر الجوع بسسب الاحتلال الجاثم فوق صدورنا منذ الثوره.والحكومه الظالمه واالعصابات والحراميه.فى غزةأزمه وقود وفى مصر أذمه كل حاجه والبنزين سعره نار.فى غزه يعانى مليون ونصف من البشر وفى مصر يعانى أكثر من نصف الشعب من الحياه تحت خط الفقر بكثير.يعنى أكثر من ثلاثين مليون عايش فى عذاب.

انا لما اشتركت فى حمله الايجابيه والاصلاح كنت اتمنى كل الناس تغهم معنى الحمله.الموضوع مش كلام فى المدونات وخلاص الموضوع أختبار حقيقى وعمل حقيقى.الكلام مش بس نقول فى فقر وكذا وكذا لازم ننزل الاماكن الفقيره ونبحث عن الفقراء ونحاول نساعدهم.انا قبل ما أنزل مصر كان فى ولد (شاب)عامل تعليق فى مصراوى يستصرخ الناس انهم يساعدوه لانه عنده مرض (ورم) ويريد جراحه عاجله فى الخارج وبدون ذكر التفاصيل أرسلت الميل لزوجى فى العمل وهو بدوره أتصل فورا بالولد فى مصر وبسرعه سألنا عنه ووجدناه فعلا صادق ورفض يأخذ اى فلوس ولكن طلب مننا نساعده فقط على السفر والعلاج برغم ان أسرته فقيره جدا بالفعل أتصلنا بناس كثيره وقليل جدا من اجاب النداء للاسف ودفع زوجى وأخوه مبلغا كبيرا جدا من المطلوب ولكن لم نجمع المبلغ كله .لما نزلت مصر حاولت أن أجد حل ان يعالج هذا الشاب فى مصر لم أستطع.

انا بذكر القصه دى علشان أقول ان الموضوع مش كلام لازم يكون فى ايجابيه حقيقيه والى ان يزول الهم الجاثم فوق صدر الشعب المصرى وينفط عنه الحصار يجب ان نكون ايجابيين.انا والله من ساعه ما نزلت مصر الحمد لله بسعى مع المرضى واليتامى والحمد لله انا عضوه فى جمعيه لمساعده الفقراء والايتام  بس  للاسف محتاجين ناس معانا متطوعين فى جميع المجالات بالاضافه الى اننا معانا حالات كثيره جدا وكوارث انسانيه وحاسه بالعجز ناحيتها لاننا مش عارفين نعمل لهم حاجه لان للاسف الناس بقت شاكه فى كل حاجه.الموضوع بسيط اللى عايز يعمل حاجه بجد لازم يتعب ويجاهد يعنى انا لما قريت حاله الولد ده اتصلت بصديقه لى من سوهاج سألت عنه فى بلده وتأكدت من المعلومات وأرسلنا من زاره فى المستشفى وأخذ التقارير الطبيه.فى حاجه صعبه كده؟ ولكن للاسف الناس تبرر سلبيتها بالشك وعدم الثقه.

  .