تعالوا للعمل التطوعى

السلام عليكم ورحمه الله وبركاته

تكمله لما سبق ياجماعه بأختصار من يجد فى نفسه الرغبه فى العمل التطوعى معنويا او ماديا .

يعنى طبيب يتبرع بعمل عمليات مجانا للفقراء مدرس يتطوع بمساعده طلبه فقراء صاحب محل يعطى سلع مجانيه للفقراء .وهكذا.........وعلى فكره الجمعيه تعطى وصلات لمن يقوم بأى عمل تطوعى ويقدمها للضرائب ويأخذ إعفاء ضريبى يعنى الفقراء اولى من .........مش هكمل.

يعنى كسبان دنيا وأخره

بصراحه انا كل ما بقعد مع صديقتى رئيسه الجمعيه وتورينى الحالات اللى عندها بشعر بعجز رهيب ومن يريد زياره الجمعيه انا هديكم موقع الجمعيه وياريت تييجو تزورونا طبعا لان الجمعيه ناشئه قريبا فنحن بحاجه لناس للعمل معنا فى جميع المجالات وكمان محتاجين أعضاء عاملين 

انا طبعا كتبت الموضوع ده بعد ما شعرت بتأنيب الضمير وكمان صديقتى أشعرتنى بأنى ولا حاجه لأنها طول اليوم تسعى فى حاجه الفقراء والمرضى فهى تغسل الموتى الفقراء لوجه الله وتجلس فى الجمعيه تحفظ القران لانها لا تستطيع دفع الاجر للمحفظين وتكنس مقر الجمعيه بنفسها هى والموظفين اللى معاها لتوفر اجر العامله لان الجمعيه محتاجه لكل قرش للفقراء وتذهب لمستشفى الحروق وتساعد المرضى وكل ذلك لوحدها لان كل الاعضاء اللى معاها مكبرين دماغهم وانا أقل ما أفعله انى اساعدها فى فتره وجودى فى مصر وأعلن عن الجمعيه فى مدونتى حتى أدعو أخوتى وأخواتى الافاضل للعمل التطوعى معنا لوجه الله .وانا يا جماعه هذا أقل ما أفعله وأرجو به ان يسامحنى الله ويغفر لى يعنى مش معقول انى اكون انا عايشه ومش حاسه بغيرى طب ما هو يوم القيامه ربنا هيحاسبى يعنى دى مسؤليه على وعلى كل واحد ربنا مديله حتى ولو بقدر بسيط .

مره أخرى انا منتظره اتعرف عليكم فى الجمعيه 

http://www.kabs-nor.com/ 

 .